اطلب وأنت مطمئن.
كل خطوة واضحة قبل ما تدفع.

من نحن؟

AlkStore متجر سعودي إلكتروني لشرائح البيانات والشريحة الإلكترونية eSIM وباقات الاتصالات، وعندنا خبرة 6 سنوات في خدمة عملاء الاتصالات. نساعدك تختار الباقة المناسبة ونتابع طلبك معك على واتساب لين يشتغل. نحن متجر يبيع باقات الشركات، والباقة نفسها والخط من شركة الاتصالات.

خطوات طلب الشريحة

1. ترسل الطلبتختار الباقة وتضغط «اطلب عبر واتساب». ما فيه أي دفع في هذي الخطوة.
2. نتحقق من الأهليةنتواصل معك على واتساب للبيانات اللازمة، ونتأكد إنك تقدر تاخذ الخط (مثل عدد الشرائح المسجلة باسمك).
3. يوصلك رابط الدفعبعد تأكيد الأهلية فقط: رابط آمن بالمبلغ النهائي (مدى، Apple Pay، فيزا، ماستركارد، urpay) أو تحويل بنكي.
4. مصادقة نفاذبعد الدفع نبدأ إصدار الشريحة، ويوصلك طلب مصادقة في نفاذ يظهر فيه اسم شركة الاتصالات، مثل ياقوت أو موبايلي.
5. التفعيل والتسليمبعد موافقتك واكتمال الإجراءات، نرسل لك باركود eSIM على واتساب أو نرتب توصيل الشريحة العادية.

التحقق من الأهلية قبل الدفع غير مصادقة نفاذ بعد الدفع: الأول فحص منّا، والثاني خطوة توثيق الهوية من شركة الاتصالات.

كيف أتأكد من المتجر؟

لا تاخذها منّا كلام. تأكد من السجل التجاري بنفسك في موقع وزارة التجارة الرسمي بهذا الرقم.

الاسم التجاري

AlkStore

رقم السجل التجاري

7055354828

تحقق من السجل في موقع وزارة التجارة

ويعرض المتجر ختم المركز السعودي للأعمال، والختم يتحمّل من موقع المركز نفسه، فيعرض البيانات زي ما هي عندهم.

اعرض ختم المركز السعودي للأعمال

وش يقول عملاؤنا؟

5.0 / 5 من 2 تقييم منشور

• ★★★★★

  تعامل ممتاز وخدمة سريعة

  KAYAN · ريدبل مزاجي سمارت · عميل مؤكد

• ★★★★★

  سرعة التنفيذ والتجاوب

  عميل · ياقوت سبيشل 5X · عميل مؤكد

كتبها عملاؤنا، ومنشورة مثل ما كتبوها.

هل مصادقة نفاذ آمنة؟

نفاذ هو تطبيق الهوية الوطنية. شركة الاتصالات تستخدمه عشان تتأكد إن الخط ينصدر لك أنت، وهو شرط من هيئة الاتصالات لأي شريحة في السعودية.

• قبل ما توافق، اقرأ مين الجهة ووش الغرض. وافق بس على الطلب اللي يطابق طلبك (الشركة والخدمة).
• إذا جاك طلب ما يطابق طلبك، لا توافق عليه وكلّمنا أول.
• ما نطلب منك أبدًا كلمة مرور نفاذ ولا رموز الدخول ولا رموز التحقق، لا في الموقع ولا في واتساب.
• ظهور اسم شركة الاتصالات في الطلب يؤكد إن الخط من هالشركة، لكنه وحده ما يعني إن AlkStore وكيل معتمد لها.
• بعد التفعيل تقدر تشوف كل الخطوط اللي باسمك من خدمة «أرقامي» في هيئة الاتصالات: موقع هيئة الاتصالات

وش البيانات اللي نطلبها؟

عشان نتحقق من الأهلية نطلب في محادثة واتساب فقط: اسمك الكامل، ورقم الهوية أو الإقامة، وتاريخ الميلاد. ما نطلبها في حقول الموقع، وما نطلب أبدًا صورة الهوية ولا كلمة مرور ولا رمز.

سياسة الخصوصية

وش يصير بعد الدفع؟

• نبدأ إصدار الشريحة، وتوافق على طلب نفاذ من شركة الاتصالات.
• الشريحة الإلكترونية: يوصلك الباركود على واتساب أو البريد بعد اكتمال التفعيل، وغالبًا في نفس اللحظة. ونحسب ساعة إلى ساعتين احتياط إذا تعطّلت أنظمة المشغّل.
• الشريحة العادية: توصل داخل الرياض خلال 3 إلى 6 ساعات بعد التفعيل. وخارج الرياض: eSIM، أو «بدل فاقد» من أقرب فرع للشركة.
• تقدر ترسل طلبك بأي وقت، ونأكد لك موعد التفعيل في رسالة طلبك.
• تابع طلبك من صفحة تتبع الطلب أو على واتساب: تتبع طلبك

وش لو صار شي؟

• الباقة اختلفت بعد التفعيل: يرجع مبلغك كامل خلال دقائق (الضمان الذهبي).
• دفعت وتعذّر التفعيل: يرجع المبلغ خلال 24 ساعة عمل.
• دفعت ثم انرفضت الأهلية: يرجع المبلغ المدفوع كامل بالطريقة المتاحة.
• غيّرت رأيك؟ تقدر تلغي الطلب قبل بدء التفعيل.

متى ما يُسترد المبلغ؟

بعد تفعيل الباقة الصحيحة، في هذي الحالات:

• تغيير الرأي.
• ضعف تغطية الشبكة أو سرعتها في منطقتك: التغطية من شركة الاتصالات، فتأكد منها قبل الطلب.
• عرض أو تواصل من شركتك الحالية عشان تبقى عندها أو تنقل رقمك.
• جوال ما يدعم eSIM أو مقفل على شركة: تأكد منه بـ ‎*#06#‎ قبل الطلب.

توافق على هذي الشروط لما تختار مربع السياسة وترسل طلبك.

وحقوقك النظامية كمستهلك محفوظة دائمًا.

اقرأ سياسة الطلب والاسترجاع

أسئلة يسألها العملاء قبل أول طلب

كيف أتواصل مع المتجر؟

هذي قنواتنا الرسمية فقط، وتأكد إن محادثة طلبك على رقم الواتساب هذا.

• واتساب 053 999 5584
• البريد info@alkstore.com